Báran - vill nefnd innan LS sem fjalli um makrílveiðar - Landssamband smábátaeigenda

Báran - vill nefnd innan LS sem fjalli um makrílveiðar



Báran - félag smábátaeigenda Hafnarfirði - Garðabær - hélt aðalfund 29. september.  Hörkugóð mæting var á fundinn og fjöldi mála tekinn til umræðu.  Eins og á öðrum fundum svæðisfélaganna var rætt um framtíð handfæraveiða á markríl.   

Félagsmenn Bárunnar binda miklar vonir við veiðarnar og telja að loksins sé komin veiðanleg tegund sem gæti aukið verulega aflaverðmæti smábátaeigenda.
IMG_6965.jpg

Fundarmenn voru einhuga um að óska eftir að aðalfundur LS láti makrílmál til sín taka og samþykktu í því skyni eftirfarandi tillögu:

„Aðalfundur Bárunnar haldinn í Hafnarfirði 29. sept. 2012 beinir því til aðalfundar LS að sett verði á fót nefnd sem fjallar um málefni makrílveiðimanna.  Nefndin starfi milli aðalfunda og verði skipuð fimm mönnum sem kosnir eru á aðalfundi.  Framkvæmdastjóri LS starfi með nefndinni og sjái um boðun funda.“
IMG_6969.jpg
Formaður Bárunnar er Jón B. Höskuldsson.







 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...