Niðurstöður komnar úr haustralli Hafrannsóknastofnunarinnar - Landssamband smábátaeigenda

Niðurstöður komnar úr haustralli Hafrannsóknastofnunarinnar


Hafró er hvergi af baki dottið með togararöllin sín og haustrallið 2012 fór fram 15. september - 8. nóvember s.l.
Stöðvanetið í haustrallinu er mjög frábrugðið því sem notað er í vorrallinu, en á því síðarnefnda byggir Hafrannsóknastofnunin ráðgjöf sína.
Þorskurinn mælist með hæstu vísitölu sem fengist hefur frá upphafi haustrallsins. Meira er af stórum þorski sem er í fullu samræmi við reynslu veiðimanna.  Meðalþyngd er og yfir meðaltali frá upphafi í flestum árgöngum. 

Hvað ýsuna varðar segir m.a. að „Lækkun vísitölunnar er ekki eins mikil og í stofnmælingu að vori...".  Ætli mörgum línuveiðimönnum á grunnslóðinni komi þetta á óvart.

Screen Shot 2012-12-14 at 4.25.06 PM.png 
Á myndinni hér að ofan sést stöðvanet haustrallsins.  Eins og sést eru togstöðvarnar afskaplega fáar á þeim svæðum þar sem ýsuveiðin er orðin svo mikil að atvinnuleysi blasir við fiskvinnslufólki og bátar bundnir við bryggju af sömu orsökum. Þrátt fyrir að í skýrslunni segi „Í heildina bendir niðurstaða haustmælingarinnar til heldur meira af stærri ýsu en stofnmatið í vor“, er ekki orð um það að stofnunin hyggist endurskoða ráðgjöfina fyrir 2012/2013.  

Skýrsluna í heild má lesa hér:

http://www.hafro.is/images/frettir/2012/frettatilk_haustrall.pdf

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...