Fjallabyggð gagnrýnir tilhögun grásleppuveiða - Landssamband smábátaeigenda

Fjallabyggð gagnrýnir tilhögun grásleppuveiða



Á fundi bæjarráðs Fjallabyggðar sem haldinn var í Ráðhúsinu Gránugötu 24 Siglufirði sl. þriðjudag var tekið fyrir bréf frá Skalla um takmörkun grásleppuveiða.  


Eftirfarandi var samþykkt:
  
„Bæjarráð Fjallabyggðar gagnrýnir harðlega fram komnar hugmyndir stjórnvalda um tilhögun grásleppuveiða fyrir árið 2013.  Nái þessar tillögur fram að ganga óbreyttar, þá er verið að setja í uppnám afkomu fjölmargra útgerða og einstaklinga í Fjallabyggð. 

Bæjarráð Fjallabyggðar fer fram á það við atvinnuvega- og nýsköpunarráðherra að draga verulega úr skerðingaráformum vegna grásleppuveiða fyrir árið 2013“.


Grásleppa.png



 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...