Ýsan - atvinnuveganefnd vinnur að útfærslu hugmynda - Landssamband smábátaeigenda

Ýsan - atvinnuveganefnd vinnur að útfærslu hugmynda



Það sem af er þessu fiskveiðiári hafa línuveiðar dagróðrabáta gengið brösuglega.  Ástæðan er ekki aflaleysi, heldur að aflasamsetningin á miðunum er ekki í takt við veiðráðgjöf Hafrannsóknastofnunar og ákvörðun ráðherra um heildarafla.  Við þorskveiðar hefur meðafli í ýsu verið mikill og virðist ekkert lát á því.

Vandamálið hefur í þrígang verið rætt á Alþingi og reglulega hefur málefnið ratað inn í fjölmiðla.  16. janúar sl. lýsti atvinnuvega- og nýsköpunarráðherra því yfir á Alþingi að málið yrði skoðað að fullri alvöru á næstunni.

Landssamband smábátaeigenda hefur lýst eftir tillögum ráðherra, en einungis verið bent á að þær séu til meðferðar hjá atvinnuveganefnd og lúti að rýmkun á meðaflareglum.   Í viðtali við Morgunblaðið 21. febrúar sl. staðfesti Lilja Rafney Magnúsdóttir starfandi formaður atvinnuveganefndar þetta.  Í fréttinni, „Hjólin aftur farin að snúast á Drangsnesi“, er einnig rætt við Óskar Torfason framkvæmdastjóra Drangs og Örn Pálsson framkvæmdastjóra LS.


Frétt Morgunblaðsins.png
Frétt Morgunblaðsins II.png



 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...