Nú er lag Steingrímur, látum verkin tala - Landssamband smábátaeigenda

Nú er lag Steingrímur, látum verkin tala



Makrílveiðar smábáta eru mikið umræðunni um þessar mundir.  Eins og komið hefur fram hyggjast útgerðir á annað hundrað smábáta stunda veiðarnar á komandi vertíð.  LS hefur komið skilaboðum til stjórnvalda um þennan mikla áhuga samhliða kröfu um aukinn hlut þeirra í heildarafla.

Félagsmenn hafa heldur ekki legið á skoðunum sínum varðandi makrílveiðarnar eins og aðsend grein Ásmundar Skeggjasonar ber glöggt merki um.



Nú er lag Steingrímur, látum verkin tala

All flestir eru sammála um að lífskjör batna ekki á Íslandi nema hagvöxtur aukist. Einnig um að auka verði fjárfestingu í útflutningsgreinum og ráðast í mannaflsfrek verkefni.
Nú er lag fyrir Steingrím J. Sigfússon að láta verkin tala og stórauka veiðiheimilidir til færaveiða á makríl sem eru bæði vistvænar og mannaflsfrekar.

Makríll gengur nú í auknum mæli upp á mið smábátasjómanna.  Tæknin til veiða og meðhöndlunar hráefnisins hefur tekist með afburðum og er nú svo komið að veiðar árið 2012 urðu að arðbærum atvinnuveiðum. Aukin gæði hráefnis og hærra verð fæst fyrir færaveidda fiskinn. Það er því ljóst að bæði smábátasjómenn og vinnsluaðilar hafa náð góðum tökum á meðhöndlun hráefnisins og að veiðigeta bátanna hefur stór aukist. 

Fyrirséð er að þær heimildir sem hafa verið skammtaðar til smábáta verða takmarkandi fyrir framþróun veiða árið 2013 vegna gríðarlegs áhuga fyrir veiðunum. Hvet ég því ráðherra til að auka rausnarlega við fyrirhugaða úthlutun til handfæraveiða á komandi ári og úthluta að minnsta kosti 20.000 tonnum í handfærapottinn.  Flestir eru sammála um að öll efnisleg rök eru fyrir því að stórauka skuli hlut handfæraveiða við landið, hvort sem er af efnahagslegum  eða samfélagslegum ástæðum. 
 

Ásmundur Skeggjason

1 Athugasemdir

Já Steingrímur, ekki seinna en núna er lag að láta hendur standa fram úr ermum.
Duttlungar náttúrunar er alltaf stóra spurningarmerkið sem sjómenn og aðrir sem hafa lífsviðurværið sitt af náttúruauðlindum þurfa að glíma við og ekki alltaf á vísan að róa í þeim efnum.
Steingrímur gefðu okkur “merki” um að eitthvað sé verið að skoða þessi mál, biðin og óvissan er erfiðust, að geta ekki gert nein framtíðarplön í rekstri og fjárfestingu og um þann grundvallarrétt að fá að stunda sjálfbærar og vistvænar veiðar með krókum.
Ég vona að við þurfum ekki bæði að hafa áhyggjur af duttlungum náttúrunar og stjórnmálamanna!
Sjómenn og aðrir góðir landsmenn ég hvet sem flesta að rita hér í “athugasemd” þó ekki væri nema “LIKE” líkt og mikið er notað á fésbók til að sýna samstöðu um málið í verki.
Við verðum að láta Steingrím vita að það er stór hópur af fólki sem bíður eftir viðbrögðum frá honum.
Ræs!!

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...