Forsætisráðherra - lög um veiðigjöld verða endurskoðuð - Landssamband smábátaeigenda

Forsætisráðherra - lög um veiðigjöld verða endurskoðuð



Forsætisráðherra flutti stefnuræðu sína í gær.  Í ræðunni staðfesti hann að lög um veiðigjöld verði endurskoðuð:  

Unnið verður að því að endurskoða lög um veiðigjald þannig að almennt veiðigjald endurspegli afkomu útgerðarinnar í heild, en sérstakt gjald taki mið af afkomu einstakra fyrirtækja og fisktegunda, sagði forsætisráðherra. 


Samningsbundin réttindi taki við af varanlegri úthlutun

Í umfjöllun sinni sjávarútveginn almennt sagði forsætisráðherra:

„Almenn sátt ríkir um að sjávarauðlindin er sameign allrar þjóðarinnar.  Um nýtingu auðlindarinnar þarf einnig að ríkja víðtæk sátt.  Því verður unnið áfram á grunni sáttanefndarinnar að því að samningsbundin réttindi um nýtingu aflaheimilda taki við af varanlegri úthlutun.

Eðlilegt er að sjávarútvegurinn leggi sitt af mörkum til samfélagsins í formi skatta og gjalda í skiptum fyrir nýtingarréttinn, sem orðinn er verðmætur vegna þess að íslenska fiskveiðistjórnarkerfið hefur gert hann verðmætan.

Íslenskur sjávarútvegur er í senn sjálfbær og hagkvæmur en hann keppir við sjávarútveg í löndum sem stunda ríkisstyrkta ofveiði, sagði Sigmundur Davíð Gunnlaugsson forsætisráðherra.





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...