Byggðakvóti fyrir dagróðrabáta - Landssamband smábátaeigenda

Byggðakvóti fyrir dagróðrabáta



Á fundi stjórnar LS 17. júlí sl. var töluverð umræða um byggðakvóta.  

Í nýsamþykktum breytingum á lögum um stjórn fiskveiða var ákveðið að framlengja ákvæði til bráðabirgða um 2.500 tonn af þorski og 500 tonn af ufsa til viðbótar lögfestum byggðakvóta.  Ákvæðið gildir í eitt ár.  

Auk þessa var bætt inn ákvæði í lög um stjórn fiskveiða að næstu fimm árin, 2013/2014 til og með 2017/2018 hefði Byggðastofnun til ráðstöfunar árlega 1.800 þorskígildi (þorskur, ýsa, ufsi, steinbítur).  Byggðastofnunarbyggðakvótanum á stofnunin að ráðstafa til byggðarlaga í alvarlegum og bráðum vanda vegna samdráttar í sjávarútvegi. 
Veiðiheimildirnar koma til viðbótar við þann byggðakvóta sem nú er. 

Samkvæmt reglugerð um veiðar í atvinnuskyni 2013/2014 verða heimildir alls sem ráðstafað er sem byggðakvóta eftirtaldar (óslægt):

þorskur 7.024 tonn 
ýsa 1.224 tonn 
steinbítur   245 tonn
ufsi 2.084 tonn


Ályktun um byggðakvóta:

Fundur í stjórn Landssambands smábátaeigenda haldinn á Raufarhöfn 17. júlí 2013 ítrekar samþykkt aðalfundar félagsins um breytingar á reglum um úthlutun byggðakvóta.  Byggðakvóti verði sem ívilnun fyrir dagróðrabáta sem eiga heimahöfn í byggðalögum sem uppfylla skilyrði þar til gerðra reglna um úthlutun.   

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...