Aðalfundur Stranda - vilja fækka grásleppuleyfum - Landssamband smábátaeigenda

Aðalfundur Stranda - vilja fækka grásleppuleyfum




Aðalfundur Stranda var haldinn á Hólmavík sl. sunnudag 22. september.  Á fundinum voru málefni tengd stóraukinni ýsugengd, makríl, grásleppu, strandveiðum og byggðakvóta fyrirferðamest.  


Meðal tillagna sem fundurinn samþykkti voru:

heimilað verði að sameina grásleppuleyfi.  Við sameiningu fjölgi dögum hlutfallslega um 50%.

strandveiðar verði 4 samfellda mánuði á tímabilinu apríl - september.  Heimilt verði að veiða 4 daga í hverrri viku, mánudaga - fimmtudaga.

Strandir fagna þeirri aukningu sem verið hefur í makrílveiðum smábáta.  Félagið hvetur stjórnvöld til að tryggja nægjanlegar veiðiheimildir til veiðanna og auka þannig aflaverðmæti á hvert kíló á markíl samfara aukinni atvinnu við vinnslu hans í hinum dreifðu byggðum.


Stjórn Stranda var öll endurkjörin, formaður er Haraldur Ingólfsson Drangsnesi.




Myndina tók Már Ólafsson og sýnir hvernig umhorfs var í höfninni á Hólmavík þegar makrílveiðar stóðu sem hæst.

Makríll Hólmavík.jpg

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...