Ýsan að slá þorsknum við - Landssamband smábátaeigenda

Ýsan að slá þorsknum við




Meðalverð á ferskri ýsu til útflutnings er orðið hærra en á þorski.  Þetta kemur fram þegar skyggnst er í tölur Hagstofunnar.  


Á fyrstu tíu mánuðum ársins er útflutningsverðmæti ýsunnar komið í 4,3 milljarða sem er 2% meira en á sama tíma í fyrra. Magnið er nánast óbreytt milli ára, en meðalverð hefur hækkað um 3%.


Mest hefur verið flutt út til Bandaríkjanna og er hlutdeild þeirra komin í 46%, en var þriðjungur á sama tíma í fyrra.  Bretar sem keyptu mest héðan 2012 hafa tapað hlutdeild og eru nú með þriðjung þess sem flutt hefur verið út af ferskri ýsu á tímabilinu janúar - október.


Athygli vekur þegar tölur eru skoðaðar að Frakkar eru langt frá því að ná héðan jafn miklum magni af ferskri ýsu og í fyrra.  Þá voru þeir með 12% en hlutdeild þeirra nú er komin niður í 7%.    



 

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...