Grásleppuvertíðin langt komin - Landssamband smábátaeigenda

Grásleppuvertíðin langt komin




Alls hafa 184 bátar verið gerðir út á grásleppuveiðar það sem af er vertíðinni.  Af þeim hafa 105 lokið veiðum.  Fjöldi útgefinna leyfa nú er nokkru færri en í fyrra, en þá höfðu 250 bátar hafið veiðar.


Aflabrögð á vertíðinni hafa verið afar misjöfn.  Á N og NA-landi hefur veiðin verið undir meðalvertíð og á nokkrum stöðum hefur hún verið arfaslök.  Aðra sögu er að segja af veiðum á Ströndum, þar hefur afli verið mjög góður.  Alls hafa bátar sem leggja upp á Hólmavík og Drangsnesi landað grásleppu sem jafngildir 1.150 tunnum af söltuðum grásleppuhrognum, sem er um fjórðungur þess sem komið er á land. 


Á V-fjörðum, Breiðafirði og Faxaflóa er veiði misjöfn - allt frá því að vera mjög góð niður í lélega veiði.






 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...