Þorskur og ýsa - minna flutt út - Landssamband smábátaeigenda

Þorskur og ýsa - minna flutt út





LS hefur tekið saman tölur um útflutning á ferskum þorski og ýsu á fyrsta þriðjungi ársins.  Heildarútflutningsverðmæti þessara tegunda nam alls 8,38 milljörðum.  


Þorskur

Athygli vekur að 8% minna hefur verið flutt út af þorski nú en á sama tíma í fyrra.  Þá hefur verð einnig gefið lítillega eftir.

Hlutdeild í heildarmagni sem flutt er út til Frakklands, Bretlands og Belgíu minnkaði milli ára, fór úr 85% niður í 73%.  Þar vegur mest um þriðjungs minnkun til Frakklands og rúmlega fimmtungi minna af ferskum þorski var flutt til Bretlands.

Útflutningsverðmæti fersks þorsks á fyrstu 4 mánuðum ársins nam 6,08 milljörðum, sama tímabil í fyrra skilaði hins vegar 6,61 milljarði.



Ýsa

Eins og í þorskinum minnkar útflutt magn ferskrar ýsu milli ára eða um 9%.  Þar hefur hins vegar tekist að halda stöðugu verði.  Þó nokkur samdráttur hafi verið í útflutningi til Bandaríkjanna kaupa þeir þó enn mest, skammt þar á eftir eru Bretar en þar var magnminnkun óveruleg.   Hins vegar jókst útflutningur til Belgíu um 15%, en þeir eru næstir fyrrnefndum þjóðum í kaupum héðan á ferskri ýsu.

Fersk ýsa skilaði 1,5 milljarði í útflutningsverðmæti á fyrstu 4 mánuðum ársins á móti 1,65 milljörðum á sama tíma í fyrra .



Unnið upp úr gögnum frá Hagstofu Íslands

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...