Reglugerð um handfæri gildir ekki um makrílveiðar - Landssamband smábátaeigenda

Reglugerð um handfæri gildir ekki um makrílveiðar




Sjávarútvegsráðuneytið hefur breytt reglugerð um bann við handfæraveiðum suður af Látrabjargi.  Með breytingunni er eytt öllum vafa um að hún taki til færaveiða á makríl. 
 

Forsaga málsins er sú að landssambandinu barst ábending frá makrílveiðimanni um að Landhelgisgæsla hefði bent honum á að bann við veiðum með handfærum gilti einnig um færaveiðar á makríl.  Í samtali LS við Hafrannsóknastofnun var staðfestur sá skilningur félagsins að þar væri ekki átt við færaveiðar smábáta á makríl.

Í kjölfarið sendi LS bréf til sjávarútvegsráðuneytisins þar sem óskað var eftir að ekki yrðu lagðar hömlur á færaveiðar smábáta á makríl innan svæða sem reglugerðir um handfæraveiðar kveða á um.




 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...