LS - makrílviðmiðun verði 10 þús tonn - Landssamband smábátaeigenda

LS - makrílviðmiðun verði 10 þús tonn




Landssamband smábátaeigenda hefur ritað Sigurði Inga Jóhannssyni sjávarútvegs- og landbúnaðarráðherra bréf þar sem vakin er athygli á færaveiðum smábáta á makríl.  LS fer þess á leit við ráðherra að hann hækki viðmiðun á makríl úr 6.800 tonnum í 10 þús. tonn.


Í bréfinu kemur fram að veiðar smábáta á yfirstandandi vertíð sýni að áætluð viðmiðun hafi verið of lág og því mikilvægt að bæta við og tryggja veiðar þeirra 114 báta inn í september. 

 

Löndun á Hólmavík.jpg








LS mun eiga fund með ráðherra um málefni smábátaeigenda á morgun miðvikudaginn 3. september þar sem þetta mál mun örugglega bera á góma.


Einnig kemur fram í bréfinu að markmið LS sé að tryggja smábátum 12 - 16% hlut í heildarmakrílveiðum Íslendinga.  „Krafa LS er því hógvær þar sem 10 þús. tonn eru innan við 6% af fyrirhuguðum heildarafla“, eins og segir í bréfi LS til ráðherra.





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...