Sigurður Hjartarson nýr formaður Eldingar - Landssamband smábátaeigenda

Sigurður Hjartarson nýr formaður Eldingar




Elding - félag smábátaeigenda í Ísafjarðarsýslum - hélt aðalfund sinn á Ísafirði 21. september sl.   Fundurinn var afar vel sóttur og baráttuandi ríkjandi.  


Í setningarræðu formanns - Sigurðar Kjartans Hálfdánssonar - kom fram að hann gæfi ekki kost á sér til áframhaldandi formannssetu. 
 
Sigurður Hjartarson.jpg

Nýr formaður Eldingar var kosinn Sigurður Hjartarson Bolungarvík og með honum í stjórn eru:

Birkir Einarsson Flateyri
Páll Björnsson Þingeyri
Þórður Sigurvinsson Suðureyri
Kristján Andri Guðjónsson Ísafirði


Strandveiðar og línuívilnun voru fyrirferðarmikil mál á fundinum.  Góður rómur var gerður að samþykkt stjórnar LS um óbreytt strandveiðikerfi að undanskildu því að heildaraflaþak verði afnumið þannig að tryggt verði heimilt verði að róa 4 daga í viku hverri mánudag - fimmtudag á tímabilinu maí - ágúst.


Mikill kurr var í fundarmönnum yfir þeirri ákvörðun sjávarútvegsráðherra að skerða viðmiðun til línuívilnunar í ýsu um 1000 tonn.  Ákvörðunin jafngilti að verið væri að núa hnífnum í sárinu!   Fundurinn krafðist þess að skerðingunni yrði skilað tafarlaust.

                                                                           



 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...