Valentínus kosinn formaður Snæfells - Landssamband smábátaeigenda

Valentínus kosinn formaður Snæfells




Aðalfundur Snæfells var haldinn í Grundarfirði í gær 14. september.  Fundurinn var ágætlega sóttur og mikill hugur og baráttuandi í félagsmönnum.  


Félagsmenn voru sammála um að trillukarlar um land allt þyrftu að blása til sóknar varðandi réttindabaráttu sína.  Það væri lamið á þeim og því þörf á að rísa upp og krefjast þess að stjórnvöld virði og taki tillit til sjónarmiða smábátaeigenda. Strandveiðar, makrílveiðar, síldveiðar og línuívilnun voru þar ofarlega á baugi.

Á fundinum var þung umræða um ráðgjöf Hafrannsóknastofnunar.  Fundurinn var á einu máli um að hækka bæri aflareglu þorski úr 20% af veiðistofni í 25%.  Hver einasti sjómaður væri ósammála ráðgjöfinni nú, flestir hefðu reiknað með 250 þús. tonna hámarksafla á yfirstandandi fiskveiðiári í stað 216 þús.

Snæfell Valentínud - Sigurjón.jpg

Í kosningu til stjórnar tilkynnti Sigurjón Hilmarsson Ólafsvík (tv) að hann gæfi ekki kost á sér.  Í hans stað var Valentínus Guðnason Stykkishólmi kosinn formaður með rússneskri kosningu.
Með Valentínusi í stjórn Snæfells voru kosnir:
Ásmundur Guðmundsson, Heiðar Magnússon, Kristinn Ólafsson og Örvar Marteinsson, 



Hér má sjá ályktanir sem fundurinn samþykkti:  







 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...