Mótmæla fyrirhuguðu laxeldi - Landssamband smábátaeigenda

Mótmæla fyrirhuguðu laxeldi




Á fjölmennum fundi í Kletti sem haldinn var á Akureyri 13. mars sl. var áformum um stórtækt laxeldi í Eyjafirði harðlega mótmælt. 

Í ályktun fundarins segir m.a. að 
IMG_1352.jpgfyrirhuguðu 8000 tonna laxeldi sé ætlaður staður „í og við Bakkaál, sem er mjög mikilvæg veiðislóð fyrir smábáta sem stunda línuveiðar í Eyjafirði“.  Þannig verði gengið harkalega á rétt sjómanna sem stundað hafa þar veiðar árum saman.  „Jafnframt er óljóst hver áhrifin af stórfelldu fiskeldi verða á lífríki Eyjafjarðar og þá nytjastofna sem þar eru“, eins og segir í ályktun smábátaeigenda í Kletti (Ólafsfjörður - Tjörnes).


Áhyggjur af verkfalli

Á fundinum voru grásleppumálin fyrirferðamikil.  Einkum var rætt um fjölda veiðidaga og yfirvofandi verkfall sem menn höfðu miklar áhyggjur af.  

Fram kom að verkfallið gæti hafist 10. apríl 
IMG_1354.jpg
eða á þeim tíma sem vertíðin er í hámarki.


Í lok umræðna var tillaga frá Sigurði Kristjánssyni Húsavík samþykkt, að leggja til við fulltrúa félagsins í grásleppunefnd LS að hvert veiðileyfi mundi gilda í 50 daga.





1 Athugasemdir

Ég fyrir mitt leiti vill biðjast afsökunar á því að hafa ekki greitt atkvæði á móti 50 daga tillögunni.
Ég hefði viljað láta kjósa aftur þar sem í umræðunni um tillöguna var talað um að veiðitímabilið yrði 50dagar eins og veiðileyfin.
Ég held að flestir hafi ekki áttað sig á því sem samþykkt var.

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...