Makríllinn ræddur á Alþingi - Landssamband smábátaeigenda

Makríllinn ræddur á Alþingi



Færaveiðar á makríl við strendur landsins hófust fyrir alvöru árið 2013.  Þá stunduðu um 90 bátar veiðarnar og var aflinn um 4.700 tonn eða 3,4% af heildarafla það árið.  Í fyrra fjölgaði smábátum á makríl og varð veiði þeirra 121 báta sem þær stunduðu um 7.500 tonn eða 4,9% af heildinni.


Fyrir þennan tíma höfðu smábátar reynt fyrir sér á makríl, en hversu lítið hann kom á þeirra veiðisvæði var árangur lítill.  Á árinu 2009 var aflinn innan við 10 tonn, 2010 reyndu 11 bátar fyrir sér og veiddu alls 180 tonn, 304 tonn voru veidd af 21 bát 2011 og 2012 veiddu alls 17 bátar 1.099 tonn af makríl með færum.  Hæst komst heildarhlutur bátanna á þessu tímabili í 0,8%.


Á Alþingi er nú fjallað um frumvarp um stjórn veiða á NA-Atlantshafsmakríl.  Í frumvarpinu er gert ráð fyrir að makríllinn verði kvótasettur, öllum bátum sem stundað hafa makrílveiðar undanfarin ár verði úthlutað kvóta og kerfinu þar með lokað.  Við skiptingu heimildanna verði hlutur smábáta, færaveiða við strendur landsins, aðeins 5%.  Það er langt frá kröfum Landssambands smábátaeigenda sem lúta að frjálsum veiðum þar sem viðurkennt verði að hlutur þeirra verði 18%.


Í Fiskifréttum í dag er fjallað um málið og m.a. rætt við Örn Pálsson.pdf.  Einnig er í blaðinu birt sérstök frétt um kvótasetningu.pdf smábáta og birt tafla yfir þá 20 báta sem hæsta hlutdeild hafa.  Samanlögð hlutdeild þeirra er tæp 50%.  

Alls nær kvótasetningin til 164 báta sem er sá fjöldi smábáta sem veitt hafa makríl á sl. sex árum, tímabilinu 2009 - 2014.












1 Athugasemdir

Sjávarútvegsráðherra hefur all oft komið inn á í ræðum sínum, mikilvægi þess að auka beri atvinnu- verðmæta- og nýsköpun í sjávarútvegi. Finnst ykkur frumvarp þetta stuðla að því að svo muni verða? Ég hef aðeins eitt orð yfir þetta. VALDNÝÐSLA. 20 aflahæstu bátarnir fá u.þ.b. 50. 0/0 af handfærapottinum samkvæmt frumvarpinu. Eigandi Fjólu GK 121 sem er flokksbróðir ráðherra og situr jafnframt í miðstjórn flokksins fær mest. 4,7 0/0 Sé miðað við 7,500 tonna til handfærabáta fær drengurinn 350 tonn (framseljanlegt) Mest aflaði Fjóla GK árið 2012. 243 tonn að ís og sjó meðtöldum. Það er ekki heil brú í þessari vitleysu. Nú liggur frumvarpið á borði atvinnumálanefndar alþingis. Ég vil ekki trúa öðru en nefnd sem er sett til að efla og bæta atvinnumál í landinu, hendi þessu svo kallaða frumvarpi í ruslið ætli hún sér að standa undir nafni.

 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...