Makrílvertíðin ?? - Landssamband smábátaeigenda

Makrílvertíðin ??




Upphaf makrílvertíðar smábáta virðist ætla að láta bíða eftir sér.  Fáir bátar eru búnir að leysa út leyfi og aðeins tveir hafa landað afla.  


Að sögn Unnsteins Þráinssonar á Sigga Bessa hefur hann verið að kanna veiðislóðina á undanförnum dögum.  Hann ákvað að reyna fyrir sér við Hrollaugseyjar 8. júlí sl. þar sem talsvert magn virtist vera á ferðinni.  Eins og við mátti búast var makríllinn ekki auðveiddur, en gaf sig undir kvöld og hafði hann 2 tonn upp úr flekknum.


Mikil áta var í makrílnum og því ekki tímabært að hefja veiðar strax.  Þá bætist við að óvissa er með markaði og engin verð komin í loftið til að styðja við ákvörðun um veiðarnar.


Á sama tíma í fyrra höfðu 26 smábátar hafið veiðar og landað tæpum 200 tonnum.

 
Siggi Bessa.jpg



 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...