Lækkandi leiguverð á þorski - Landssamband smábátaeigenda

Lækkandi leiguverð á þorski




Fiskistofa hefur birt upplýsingar um þróun leiguverðs á þorski á undanförnum árum.  Þar kemur m.a. fram að lítill munur er á verði króka- og aflamarks.  Eftir að verð hafði verið nokkuð stöðugt í eitt og hálft ár, byrjaði það að lækka í upphafi fiskveiðiársins.   Krókaaflamarkið fæst nú á 200 kr/kg og aflamarkið á 215 kr.  Verðlækkunin það sem af er fiskveiðiárinu er í kringum 14%.


Nokkrar ástæður eru fyrir verðlækkuninni.  Þar má nefna að veiðigjald er nú innheimt af þeim sem veiðir en áður greiddu þeir sem fengu úthlutaðar heimildirnar.  Þá hefur 10,6% aukning á leyfilegum heildarafla jafngildi 23 þús. tonna nokkuð að segja um þróun leiguverðs.   




Skjáskotið hér að neðan er tekið af vef Fiskistofu og sýnir verð á krókaaflamarki merkt rautt og aflamarki blátt tímabilið 2. janúar 2014 - 1. desember 2015.
Aflamarkið lengst af í 250 kr en krókaaflamarkið nú í 200 kr.     

Screen Shot 2015-12-02 at 23.41.43.png
Kvarðinn er 50 krónur.





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...