Ákvörðun ráðherra veldur vonbrigðum - Landssamband smábátaeigenda

Ákvörðun ráðherra veldur vonbrigðum




Sjávarútvegsráðherra hefur ákveðið að fara í einu og öllu eftir tillögum Hafrannsóknastofnunar um heildarafla á næsta fiskveiðiári.  Ákvörðun ráðherra eru mikil vonbrigði, einkum það sem tekur til þorsks og löngu.


Í frétt um ráðgjöfina er eftirfarandi haft eftir Gunnari Braga Sveinssyni sjávarútvegs- og landbúnaðarráðherra:
„„Ráðgjöf Hafrannsóknarstofnunar var viss vonbrigði miðað við væntingar.  Við erum að sjá ákveðin lúxusvanda á Íslandi vegna góðrar fiskveiðistefnu og þurfum að styrkja hafrannsóknir til þess að leita skýringa á því til dæmis hvers vegna nokkrir árgangar þorsksins eru að léttast.““


Landssamband smábátaeigenda hefur haldið uppi gagnrýni á tillögu Hafrannsóknastofnunar og hvatt ráðherra að fara ekki í einu og öllu eftir þeim.  Sérstaklega á þetta við þorskinn þar sem lækkun meðalþyngdar í afla í togararalli er sögð helsta skýring fyrir aðeins 2,1% aukningu.  Sú skýring stangast hins vegar á við upplifun sjómanna og meðalþyngdar í afla.  Til þessa hafa sérfræðingar Hafrannsóknastofnunar ekki getað gefið neina skýringu á þessum mismun.



Botn- og flatfiskur óbreyttur milli ára
Í frétt á heimasíðu Sjávarútvegs- og landbúnaðarráðuneytisns er birt tafla um heildaraflamark einstakra fisktegunda þar sem ákvörðun ráðherra er borin saman við heildaraflamark á yfirstandandi fiskveiðiári.   Í uppsetningu LS kemur fram m.a. fram að heildarafli botn- og flatfisks er nánast óbreyttur milli ára - 450 þúsund tonn.

Screen Shot 2016-06-27 at 12.46.10.png
Screen Shot 2016-06-27 at 12.47.51.png









 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...