Píratar, Vinstri græn, Samfylkingin styðja strandveiðikröfu LS - Landssamband smábátaeigenda

Píratar, Vinstri græn, Samfylkingin styðja strandveiðikröfu LS





Í nýjasta blaði Fiskifrétta frá 20. október sl. er mikil og sterk umfjöllun um aðalfund LS.  Fyrirsagnir fréttanna eru:

      • „Krókakvótinn færist á færri hendur“

      • „Hagræðing og arðsemi fyrir hvern?“

      • „Er grásleppukarl að upplagi“


Sá þáttur aðalfundarins sem hvað mest eftirvænting ríkti um, að undanskildu kjöri formanns, voru svör fulltrúa framboða til Alþingis við kröfu LS um breytingar á strandveiðikerfinu. 


Fiskifréttir koma inn á þennan þátt fundarins - 

„Fjölgun strandveiðidaga í fjóra í hverri viku er eitt af baráttumálum LS, sem kunnugt er, og var fulltrúum allra framboða fyrir komandi alþingiskosningar boðið á aðalfundinn til þess m.a. að svara þeirri spurningu hvort þeir styddu þessa tillögu LS.“

Blaðið vitnar í ræðu framkvæmdastjóra LS - 
„Örn rakti í ræðu sinni á fundinum hina miklu rimmu sem átti sér stað milli sjávarútvegsráðherra og strandveiðimanna á suður- og suðvestursvæðinu í sumar vegna tilflutnings afla þaðan á önnur svæði.  Þegar upp var staðið fækkaði veiðidögum á því svæði milli ára úr 65 í 32.  Alls stunduðu 664 bátar strandveiðar í ár og er það í fyrsta sinn síðan árið 2013 sem aukning verður eftir dálitla fækkun undanfarin ár.“



Í eftirfarandi samantekt má sjá svör frambjóðendanna við spurningum LS:  


Dögun:
Sigurjón Þórðarson, skipar 1. sæti í NV kjördæmi
Styður allar kröfur LS - vilja ekki hækka veiðigjöld


Píratar:
Smári McCarthy, í 1. sæti á lista Suðurkjördæmis
Fylgjandi öllum sjónarmiðum LS, bæta hiklaust við heimildir til strandveiða þannig að hægt verði að ná 5. mánuðinum inn.


Björt framtíð:
Valdimar Valdemarsson,  oddviti í NV kjördæmi
„Ekki tilbúin í stjórnvaldsaðgerð um að flytja afla milli kerfa“
Segir nei við kröfu LS um strandveiðar
Já við kröfum LS við afslátt af veiðigjaldi og frjálsum makrílveiðum að 16% hlutdeild.


Sjálfstæðisflokkurinn:
Jón Gunnarsson, situr í 3. sæti Suðvesturkjördæmis
„Aflaheimildir eru einhvers staðar teknar frá, verða að segja hvaðan viðbótin eigi að koma“
Styður ekki kröfur LS.


Vinstri græn:
Lilja Rafney Magnúsdóttir, oddviti VG í NV kjördæmi
„Vinstri grænir komu strandveiðum á barnið okkar - á að vaxa og dafna.“  
Styður kröfur LS um strandveiðar, afslátt af veiðigjaldi og frjálsar makrílveiðar.


Samfylkingin:
Össur Skarphéðinsson, í 1. sæti Reykjavík norður
„Væri ekkert strandveiðikerfi nema fyrir það að hér sat ríkisstjórn Jóhönnu Sigurðardóttur“
Styður kröfur LS um strandveiðar, afslátt af veiðigjaldi og frjálsar makrílveiðar.


Viðreisn:
Jón Steindór Valdimarsson, í 2. sæti Suðvesturkjördæmis
Nei við kröfu LS um strandveiðar
Nei, já við kröfu LS um afslátt af veiðigjaldi fyrir þá sem ekki eru með vinnslu á bakvið sig
Nei, við kröfu LS við frjálsum makrílveiðum og 16% hlutdeild þeirra í heildarafla.


Framsóknarflokkurinn:
Gunnar Bragi Sveinsson, í 1. sæti NV kjördæmis
„Segir ekki já við því sem við krefjumst.“
Finna út hvaðan á að taka aflann.


P1090490.jpg






 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...