Sextíuþúsund þorskígildi á 12 árum - Landssamband smábátaeigenda

Sextíuþúsund þorskígildi á 12 árum





Nýlega úthlutaði Gunnar Bragi Sveinsson sjávarútvegs- og landbúnaðarráðherra almennum byggðakvóta.  Það er annar tveggja byggðakvóta sem úthlutað er, hinn hlutinn er sértækur byggðakvóti Byggðastofnunar.   Alls telur byggðakvótinn 11.257 tonn sem skiptist nánast jafnt, 5.623 tonn í þann almenna og 5.634 í sértækan.


Í tilkynningu Atvinnuvegaráðuneytisins kemur fram að á grundvelli stefnu stjórnvalda hafi verið ákveðið að auka vægi sértæks byggðakvóta Byggðastofnunar, aukningin nemur 15%.  Hins vegar er almenni byggðakvótinn minnkaður um 22%. 

P1090348 (1).jpg

Hámarksúthlutun til byggðarlags af almennum byggðakvóta er 300 þorskígildistonn og ná tvö byggðarlög því marki, Djúpivogur og Flateyri.  Alls dreifast veiðiheimildirnar á 45 byggðarlög sem eru innan 31 sveitarfélaga.  Ísafjarðarbær fær er það sveitarfélag sem fær mest úthlutað 734 þorskígildistonn, til Dalvíkurbyggðar fara 355 tonn og Snæfellsbæjar 349 tonn.


Frá fiskveiðiárinu 2005/2006 hefur alls 60 þús. þorskígildum verið úthlutað.  Umtalsverðar sveiflur eru oft á milli ára.  Byggðarlög detta út eða koma inn af miklum krafti.  T.d. fellur ekkert til Stykkishólms nú sem fékk 329 tonn fiskveiðiárið 2011/2012, Fjallabyggð dettur úr 311 tonnum í 197 tonn frá því í fyrra og Bolungarvík úr 152 tonnum í 27 tonn svo dæmi sé  tekið.                              Djúpivogur 



Með því að blikka á linkinn hér að neðan má sjá aðgengilega töflu um úthutunina sl. 12 ár. 





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...