Hafró leggur til 424% aukningu í loðnu - Landssamband smábátaeigenda

Hafró leggur til 424% aukningu í loðnu





Á grundvelli 3. mælingar á yfirstandandi fiskveiðiári á stærð veiðistofns loðnu hefur Hafrannsóknastofnun lagt til að heildaraflamark í loðnu verði aukið um 242 þúsund tonn.  


Leiðangurinn sem hér er vitnað til var farinn 3. - 11. febrúar aðeins hálfum mánuði eftir að niðurstöður mælinga sýndu að heildaraflamark yrði aðeins 57 þús. tonn.  Nú hefur stofnunin ákveðið að leggja til að heildaraflamark á fiskveiðiárinu verði 299 þúsund tonn.  Aukning um 424%.
L.jpg


Stærð veiðistofns loðnu er því ekki 446 þúsund tonn eins og hann var mældur 11. - 20. janúar, heldur 810 þúsund tonn á grundvelli síðustu mælinga. 

Hér er um góðar fréttir að ræða og freistandi að stofnunin fari í enn einn leiðangurinn eftir hálfan mánuð.   Enda greinilegt að fyrri mælingar hafa ekkert gildi lengur.


 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...