Úttekt á stöðu strandveiða - Landssamband smábátaeigenda

Úttekt á stöðu strandveiða





Nú stendur yfir úttekt á stöðu strandveiða. Sjávarútvegsráðuneytið fól Sjávarútvegsmiðstöð Háskólans á Akureyri verkefnið sem nú stendur  
yfir.

Í bréfi sem útgerðir strandveiðibáta hafa fengið sent segir m.a. eftirfarandi: 
 
„Í ljósi þess að meiri reynsla er komin á veiðarnar og breytingar hafa orðið í rekstri útgerðar á síðustu árum er mikilvægt að kanna stöðu strandveiða árið 2017.“


LS hvetur strandveiðimenn að taka þátt í könnunni.  Mikilvægt er að sem flestir svari til að marktæk niðurstaða fáist.

Eins og áður sagði stendur könnunin nú yfir og lýkur á miðnætti sunnudaginn 10. september.


Í könnunni geta smábátaeigendur komið á framfæri sjónarmiðum sínum um veiðarnar.  
T.d. er spurt um álit viðkomandi um hvernig eigi að hafa veiðarnar á næstu árum.  

  • Hvort banndagar eigi að vera með öðrum hætti en á föstudögum, laugardögum og sunnudögum?
  • Í hvaða mánuði veiðarnar eigi að hefjast?
  • Hvað hægt er að gera til að þjóna byggðunum betur með strandveiðum?


Í samtali við aðila sem búinn er að svara könnunni sagðist hann binda vonir við hana til breytinga á kerfinu og vera kærkomið tækifæri til að koma skoðunum sínum á framfæri.  Hann sagðist t.d. hafa bent á leið til að fá meiri nýliðun í sjávarútvegi gegnum kerfið.  Tillaga hans er að þeir sem hefðu með sér nýliða yngri en 20 ára fengju að auka skammtinn um t.d. 100 kg.  





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...