20 ára afmæli Alþjóðasamtaka strandveiðimanna og fiskverkafólks
 - Landssamband smábátaeigenda

20 ára afmæli Alþjóðasamtaka strandveiðimanna og fiskverkafólks





Hinn 21 nóvember 1997 voru Alþjóðasamtök strandveiðimanna og fiskverkafólks (WFF) 
stofnuð í Nýju-Dehlí á Indlandi. Nokkrum árum síðar fékk þessi dagsetning
 viðurkenningu á vettvangi Sameinuðu þjóðanna sem Alþjóðadagur fiskveiða
 (World Fisheries Day).




Dagurinn er helgaður baráttu smábátaveiðimanna, frumbyggjaveiða og 
fiskverkafólks fyrir grundvallar réttindum sínum, bæði hvað varðar aðgengi að miðum og viðurkenningu á rétti þeirra innan laga og reglna. Sá pottur er víða illilega brotinn, en eftir tilkomu samtakanna hefur ýmislegt þokast í rétta átt.
Screen Shot 2017-11-21 at 15.48.00.jpg



Fyrstu árin voru það einungis Alþjóðasamtökin sem héldu upp á daginn með einhverjum hætti - mómælagöngum, útifundum, kvikmyndahátíðum og jafnvel uppsettum leikritum. Sú ánægjulega breyting hefur orðið á að fjölmörg samtök hafa tekið upp á því að efna til atburða hinn 21. nóvember.




Undanfarna daga hefur staðið yfir ráðstefna í Nýju-Dehlí þar sem 
strandveiðimenn fjalla um þau mál sem heitast á þeim brenna. Eitt af því er sú tilhneiging að stórfyrirtæki sölsi undir sig veiðirétt og veiðisvæði
 strandveiðimanna og jafnvel ferðmannaiðnaðurinn er þar ekki undanskilinn.   Keyptar eru upp heilu strandlengjurnar og fiskimennirnir í kjölfarið útilokaðir frá því að nota þær sem útræði. 

Til er hugtakið „land grabbing“ en alþjóðasamtökin hafa komið inn í umræðuna hugtakinu „sea grabbing“.

Screen Shot 2017-11-21 at 15.59.12.jpg
Myndirnar eru frá aðalfundi WFF sem 
haldinn var í Ecuador í janúar sl.

Háborðið:  Við setninguna var sjávarútvegsráðherra 
Ecuador ásamt nokkrum háttsettum embættismönnum.

Fjölmenni var við setninguna sem fram fór í strandbænum Salinas.





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...