Tilboðsmarkaður Fiskistofu - ekki boðið í 9 tegundir - Landssamband smábátaeigenda

Tilboðsmarkaður Fiskistofu - ekki boðið í 9 tegundir




Fiskistofa hefur lokið úrvinnslu úr tilboðum í aflamarksskipti í nóvember.  Tilboðið nú er annað sinnar tegundar á fiskveiðiárinu, það fyrra var í október. 


Í október voru alls 14 tegundir í boði í skiptum fyrir þorsk og ýsu.  Tilboð bárust í 5 þeirra: Gullkarfa, grálúðu, þykkvalúru, síld og humar.  Alls fengust 1.816 tonn af ýsu og 200 tonn af þorski.  Engin tilboð bárust í:  Blálöngu, skötusel, gulllax, skarkola, langlúru, sandkola, úthafsrækju, litla karfa og djúpkarfa.


Fiskist.jpg
Þær 9 tegundir sem sátu eftir voru boðnar í skiptum fyrir þorsk nú í nóvember.  Aðeins bárust boð í þrjár þeirra, skötusel, langlúru og sandkola.   

Alls 23,9 tonn af sandkola fengust fyrir 3 tonn af þorski, 20 tonn af langlúru fengust fyrir 5,3 tonn af þorski og 2 tonn af skötusel fyrir 2,1 tonn af þorski.



Nú eru alls um tvö þúsund tonn sem Fiskistofu hefur ekki tekist að skipta út fyrir þorsk.  Mest af djúpkarfa 625 tonn, gulllaxi 493 og skarkola 346 tonn. 


Sjá nánar niðurstöður




 





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...