Viðbrögð LS - vigtun og brottkast - Landssamband smábátaeigenda

Viðbrögð LS - vigtun og brottkast




„LS brýnir fyrir sjómönnum, fiskvinnsluaðilum og öllum þeim sem starfa við sjávarútveg að vanda sig í allri umgengni um sameiginlega auðlind þjóðarinnar“, er meðal þess sem kemur fram í yfirlýsingu LS 


Yfirlýsing frá Landssambandi smábátaeigenda

Landssamband smábátaeigenda fordæmir þá dæmalausu umgengni um sjávarauðlindina sem fram kom í fréttaþættinum Kveik sem sýndur var í RÚV á Alþjóðadegi sjómanna 21. nóvember. 

LS brýnir fyrir sjómönnum, fiskvinnsluaðilum og öllum þeim sem starfa við sjávarútveg að vanda sig í allri umgengni um sameiginlega auðlind þjóðarinnar.  


LS þrýsti á fyrrverandi sjávarútvegsráðherra um nauðsyn þess að breyta reglum um vigtun í byrjun árs 2014. Í umræðu á Alþingi 22. janúar það ár staðfesti hann að málið væri komið inn á þingmálalista yfirstandandi vorþings.  

Engar raunhæfar skýringar hafa verið gefnar hvers vegna frumvarp kom ekki fram.  Nægur þingmeirihluti var að baki ríkisstjórn á þessum tíma og ólíklegt að málefnið hefði mætt andstöðu þingsins.

Á öllum stigum þessa máls hefur LS lýst stuðningi við hugmyndir stjórnvalda um breytingar á reglum um vigtun.


Þau þrjú ár sem liðin eru án aðgerða hafa leitt til óheilbrigðrar samkeppnis-stöðu milli fyrirtækja og skaðað orðspor íslensks sjávarútvegs.   Enn fremur hefur aðgerðaleysið haft áhrif á kjarasamninga sjómanna.  

Landssamband smábátaeigenda ætlar fjórða valdinu að draga fram í dags-ljósið hver ber ábyrgð í þessu grafalvarlega máli sem á rætur sínar í slöku regluverki og ónógu eftirliti stofnunar sem stjórnvöld gerðu nánast óstarfhæfa með vanhugsaðri ákvörðun um staðsetningu.  

logo_LSxx á vef.jpg





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...