Ekki farið að tillögu Hafró við grásleppuveiðar - Landssamband smábátaeigenda

Ekki farið að tillögu Hafró við grásleppuveiðar




Kristján Þór Júlíusson sjávarútvegs- og landbúnaðarráðherra hefur undirritað reglugerð sem kveður á um að fjöldi daga til grásleppuveiða á yfirstandandi vertíð verði 32.   Ákvörðunin kemur LS á óvart þar sem ljóst er að sá dagafjöldi mun ekki nægja til að ná þeim heildarafla sem Hafrannsóknastofnun hefur lagt til.


IMG_3805 copy.jpg
LS hefur reiknað út að miðað við gang veiða í upphafi vertíðar, þátttöku í þeim og sömu þróunar og var á síðustu vertíð, verði afli á 32 daga vertíð innan við 2/3 af þeim heildarafla sem Hafrannsóknastofnun ráðleggur.  Allt útlit er því fyrir að ákvörðun ráðherra leiði til skerðingar á afla með tilheyrandi tekjutapi fyrir grásleppusjómenn.   Auk þessa eru markaðir fyrir grásleppuhrogn og kavíar í hættu ef varan verður ekki fáanleg.


Fulltrúar LS munu funda með ráðuneytinu um málefnið nk. mánudag.  Þar verða kynnt sjónarmið og útreikningar sem liggja á bakvið ósk grásleppunefndar um 40 daga.  Á fundinum mun LS óska eftir rökstuðningi fyrir ákvörðun ráðherra um 32 veiðidaga.


 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...