Verð á óslægðum þorski - Landssamband smábátaeigenda

Verð á óslægðum þorski




Á öðrum þriðjungi fiskveiðiársins var meðalverð á óslægðum þorski sem seldur var á fiskmörkuðum 5% lægra en það var á sama tíma í fyrra.  Tímabilið janúar - apríl skilaði í ár 228 kr meðalverði sem er rúmum 12 kr lægra en á sama tíma í fyrra.


Þetta er þeim mun alvarlegra þegar meðalgengi EUR og GBP var hærra nú en í fyrra.  Dollarinn var hins vegar nokkru lægri - 100,49 nú á móti 111,22 í janúar - apríl 2017.  Evran skilaði hins vegar 123,45 krónum á þessum öðrum þriðjungi fiskveiðiársins á móti 118,58 í fyrra, munurinn 4,1%.  Á sömu tímabilum var meðalgengi pundsins 140,22 og 138,42.


Það vekur athygli að magn óslægðs þorsks á bakvið meðalverðið var í ár var 11.685 tonn sem var 770 tonnum minna en í fyrra, þar sem þá stóð yfir sjómannaverkfall til 19. febrúar. 


Hver verðþróunin verður í sumar er ómögulegt að segja til um, en ljóst er að gengi krónunnar er ekki eina orsökin fyrir lækkun á verði þorsks á mörkuðum.


 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...