Lok grásleppuvertíðar - Landssamband smábátaeigenda

Lok grásleppuvertíðar




Grásleppuvertíðinni 2018 lauk sl. sunnudag þann 12. ágúst og hafði þá staðið yfir frá 20. mars. Alls 222 bátar stunduðu veiðar á vertíðinni sem er 28 bátum færra en árið 2017.  Vertíðin skilaði 4.486 tonnum, nánast sami afli og 2017.


Taflan sýnir grásleppuafla [tonn] sl. 6 vertíða og fjölda báta.

Grásleppa

2018

2017

2016

2015

2014

2013

Afli

4.487

4.542

5.413

6.253

4.004

4.542

Bátar

222

250

245

323

225

286


Aflinn á vertíðinni var um 8% lægri en meðaltal tilgreindra sex vertíða.



Vertíðin hófst að venju 20. mars og kvað reglugerð á um 44 veiðidaga sem hver bátur hafði heimild til að stunda veiðarnar.  Lengst af hafa dagar verið 32 en á vertíðinni 2017 voru þeir 46.  

Við ákvörðun um fjölda daga var þess gætt að veiðin færi ekki umfram ráðgjöf Hafrannsóknastofnunar - 5.487 tonn.   Gert var ráð fyrir að fleiri mundu stunda veiðar þar sem skortur var á hrognum á markaðinn og því búist við verulegri verðhækkun.  Verð sem kaupendur buðu var hins vegar ekki nægilegt til að kveikja þann neista og áhuga sem þarf til að fjölgun verði.  Þvert á spár fækkaði bátum milli ára og þrátt fyrir góðan afla nægði það ekki til að veiða það sem áætlanir gerðu ráð fyrir.  


Taflan sýnir afla og ráðgjöf [tonn] sl. 6 vertíða og hlutfall.

Grásleppa

2018

2017

2016

2015

2014

2013

Afli

4.487

4.542

5.413

6.253

4.004

4.542

Ráðgjöf

5.487

6.355

6.800

6.200

4.300

3.939

Hlutfall

82%

71%

80%

101%

93%

115%



Miðað við ráðgjöf Hafrannsóknastofnunar er hægt að segja að góð veiði hafi komið á óvart þar sem ráðgjöfin nú var 14% lægri en fyrir vertíðina 2017.   Afli á nýlokinni vertíð var hins vegar víðast hvar ágætur og meðalafli á bát 20,2 tonn, eða 11% meira en í fyrra.




 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...