Margir tvíhlaða á makrílnum - Landssamband smábátaeigenda

Margir tvíhlaða á makrílnum




Á undanförnum dögum hefur verið góður gangur hjá smábátum á makrílveiðum.  Veiði almennt góð á öllum þremur svæðunum og mörg dæmi um að menn hafi tvíhlaðið.  Aflinn er kominn yfir tvöþúsund tonn og vitað er að þar er ekki allt talið þar sem tölur eru mislengi að berast til Fiskistofu.  

Samkvæmt tölum Fiskistofu í morgun voru sex bátar komnir með yfir 100 tonn.  Herja ST, Júlli Páls SH, Brynja SH, Fjóla GK, Tryggvi Eðvarðs SH og Ísak AK.


Screen Shot 2018-08-23 at 15.53.48.png

Úthlutaður var kvóti til alls 180 báta, en aðeins 38 hafa skilað sér á miðin.  LS gagnrýndi kvótasetninguna harðlega á sínum tíma þar sem hún mundi hefta framþróun veiðanna.  Nauðsynlegt væri að hafa þær án hafta þannig að sem flest veiðisvæði yrðu nýtt og sem flestir hefðu tök á að veiða þennan velkomna gest.  Meðal þess sem ávannst í baráttu LS var 2.000 tonna árlegur viðbótarkvóti til færabáta sem úthlutað er úr vikulega samkvæmt reglum þar um.  Á síðasta ári voru 1.322 veidd af þessum heimildum.


Myndin er skjáskot tekið af vefnum Marine Traffic sem tekið var kl 09:54 í dag og sýnir jafna og góða sjósókn allt umhverfis landið enda víðast hvar ágætis veður.

Screen Shot 2018-08-23 at 09.54.41.png





 

efnisyfirlit síðunnar

Hönnun og umsjón: GB hönnun ehf, Laugavegi 13, 101 Reykjavík, augl@smabatar.is

...