Ráðgjöf Hafrannsóknastofnunar fyrir grásleppu - Landssamband smábátaeigenda

Ráðgjöf Hafrannsóknastofnunar fyrir grásleppu




Gefin hefur verið út ráðgjöf  fyrir grásleppu vegna yfirstandandi vertíðar og leggur Hafrannsóknastofnun til að heildaraflamark fiskveiðiárið 2018/2019 verði ekki meira en 4.805 tonn. 

Ráðgjöf Hafró hljóðaði upp á 5.487 tonn fyrir síðustu vertíð og er þetta því minnkun upp á um 14% milli ára.

Veiðarnar í ár fara frekar rólega af stað en líklegt er að ótíð sé að hluta til skýringin. Á sjöunda degi vertíðar var búið að landa 97 tonnum af grásleppu frá 47 bátum. Á sama tíma í fyrra var magnið 222 tonn frá 56 bátum.

Búið er að virkja 83 grásleppuleyfi á þessari vertíð, en á sama tíma í fyrra voru leyfin 63.


Screen Shot 2019-03-29 at 17.51.28.png
Screen Shot 2019-03-29 at 18.24.24.png
Screen Shot 2019-03-29 at 18.25.02.png
 

efnisyfirlit síðunnar

...