Reglugerð um hrognkelsaveiðar 2019 - Landssamband smábátaeigenda

Reglugerð um hrognkelsaveiðar 2019




Gefin hefur verið út reglugerð um hrognkelsaveiðar 2019


LS sendi ráðuneytinu fjölmargar tillögur að breytingum á reglugerðinni 2018, en nánast öllum þeirra var hafnað.  Breytingarnar hefðu allar stuðlað að hagstæðara rekstrarumhverfi, auðveldari túlkun og minni hættu á meðafla.  LS eru það mikil vonbrigði að ekki var orðið við erindinu og hefur nú þegar óskað eftir skýringum og rökstuðningi við þeirri ákvörðun.

Reglugerðin nú er samhljóða þeirri sem gilti í fyrra að undanskildum tveimur atriðum.

a. Veiðitímabil allra veiðisvæða nema á innanverðum Breiðafirði hefur verið lengt og 
        samræmt, þ.e. frá og með 20. mars til og með 30. júní.  Tímabilið fer úr 85 dögum í 103.   Á 
        innanverðum Breiðafirði verður tímabilið óbreytt frá og með 20. maí til og með 12. ágúst.

b. Veiðidagar í upphafi vertíðar eru nú 25 en voru 20 í fyrra.


Einnig ber að geta þess að fellt hefur verið úr gildi ákvæði í 2. gr. um að „Leyfishöfum sem eru með eldri gerð afladagbókar beri að skipta yfir í og nota nýja“.  Þá er þrengt á ákvæði 12. gr. að í stað skötusels kemur botnfisktegundum.


Sérstök athygli er vakin á breytingu sem gerð var á reglugerð um nýtingu á afla og aukaafurðum um að heimilt verður sleppa rauðmaga við grásleppuveiðar.


Grásleppa copy.jpg


 

efnisyfirlit síðunnar

...