LS krefst þess að netalengd verði óbreytt - Landssamband smábátaeigenda

LS krefst þess að netalengd verði óbreytt




LS hefur skilað inn athugasemdum í samráðsgátt um grásleppuveiðar.  Umsögnin er í tveimur liðum


Fyrri hlutinn fjallar um áfangaskýrslu grásleppuhóps 2020 (vinnuhópur).
Þar kemur m.a. fram gagnrýni á vinnubrögð vinnuhópsins.  Dæmi þar um er: 

„Í skýrslunni kemur fram að hópurinn hafi fjallað um hlutdeildarsetningu grásleppu og verið sammála um að hún mundi auka sveigjanleika sjómanna í skipulagi veiða og við það væri líklegt að þeir gætu fremur sneitt hjá óæskilegum meðafla.  Það verður að teljast einkennilegt að hópurinn hafi ekki einnig tekist á við hvort það sama mundi gilda í sóknarstýringu ef heimilt yrði að gera hlé á veiðum með því að taka upp net og sá tími væri utan veiðitíma“.


Í síðari hluta umsagnarinnar er fjallað um sjálfa reglugerðina.  Kröfur eru gerðar um breytingar sem flestar lúta að óbreyttri reglugerð frá sl. ári.

Meðal þeirra eru:

  • Veiðunum verði svæðaskipt eins og verið hefur frá upphafi
  • Upphaf veiða verið 20. mars í stað 1. mars eins og lagt er til
  • Tryggt verði að meðafli leiði ekki til kostnaðar eða veiðistöðvunar
  • Ekki verði hróflað við heildarlengd neta
  • Hægt verði að gera hlé á veiðum vegna mikils meðafla eða fyrirsjáanlegs óveðurs án þess að það skerði veiðitíma.





 

efnisyfirlit síðunnar

...