Gildi með 12,1% raunávöxtun - Landssamband smábátaeigenda

Gildi með 12,1% raunávöxtun




Gildi-lífeyrissjóður hefur birt yfirlit um starfsemina 2019.  Raunávöxtun margfaldaðist milli ára, fór úr 2,4% árið 2018 í 12,1%.  Samkvæmt frétt frá Landssamtökum lífeyrissjóða er meðatalsáætlun 11%.


Í lok síðasta árs nam hrein eign sjóðsins 661 milljarði, hafði hækkað um 99 milljarða á einu ári, eða 17,8%.

Screenshot 2020-03-19 at 18.06.29.png

Alls greiddu 54.679 sjóðfélagar iðgjöld til sjóðsins og nam upphæð þeirra 30,3 milljörðum, eða 554 þúsund að meðaltali.  Lítilsháttar fækkun - 2,6% eða 1.468 - varð á fjölda greiðenda milli ára, en iðgjöld á hvern aðila voru nú um 9,8% hærri en árið 2018.


Fjöldi þeirra sem fengu greiddan lífeyri var 24.550.  Þeim fjölgaði um 4,9%, eða 1.153 milli ára.  Upphæðin sem greidd var nam 17,9 milljörðum, að meðaltali 730 þúsund á hvern aðila, sem jafngildir 3,6% hækkun milli ára.


Ársfundi Gildis-lífeyrissjóðs, sem halda átti 16. apríl nk., hefur verið frestað um óákveðinn tíma.  



Screenshot 2020-03-19 at 18.09.46.png

 

efnisyfirlit síðunnar

...