Ragnar Þór Jóhannsson kosinn formaður Farsæls - Landssamband smábátaeigenda

Ragnar Þór Jóhannsson kosinn formaður Farsæls




Aðalfundur Farsæls var haldinn í Þekkingarsetri Vestmannaeyja 28. september sl.  Mikill áhugi var fyrir fundinum sem sýndi sig best í að um tveir þriðju félagsmanna voru mættir.


Í upphafi fundar upplýsti Hrafn Sævaldsson formaður Farsæls um að hann væri ekki lengur smábátaeigandi og hefði því ákveðið að gefa ekki kost á sér til áframhaldandi formennsku.  


Hrafn gerði það að tillögu sinni að ný stjórn yrði skipuð með eftirfarandi hætti:


IMG_1408.png
Ragnar Þór Jóhannsson formaður og gjaldkeri

Halldór Alfreðsson ritari
Ólafur Már Harðarson 
Haraldur Hannesson varamaður í stjórn  

Stjórnin fékk rússneska kosningu.


Fundarmenn þökkuðu Hrafni fyrir hans kröftuga innlegg í þágu smábátaeigenda.  

Auk Hrafns gaf Jóel Andersen ekki kost á sér, en Jóel hefur setið í stjórn Farsæls frá 1996, þar af var hann formaður 1999-2018.  Þau ár sem Jóel var formaður Farsæls var hann jafnframt í stjórn LS.



Ályktanir fyrir 36. aðalfund LS

  • Aðalfundur Farsæls leggur til að strandveiðar verði leyfðar                 frá og með 1. apríl ár hvert. 
                                                                                      
  • Aðalfundur Farsæls hafnar hugmyndum um opnun milli svæða á strandveiðum

  • Aðalfundur Farsæls leggur til að hætt verði að innheimta sérstakt gjald vegna strandveiða. Greidd eru veiðigjöld af veiddum afla og því ekkert tilefni til að innheimta sérstakt gjald, enda er almennt ekki greitt sérstakt gjald vegna veiðileyfa.


 

efnisyfirlit síðunnar

...