Veðrið skiptir öllu máli - Landssamband smábátaeigenda

Veðrið skiptir öllu máli


 


Sú vísa verður sjálfsagt aldrei of oft kveðin um hvað veðrið er öflugt stjórntæki við veiðar smábáta.  Sóknardagar strandveiðibáta nú ár staðfesta þetta afar vel.

 

Í maí sl. tókst 135 bátum að ná 12 dögum til veiða á móti 41 í maí í fyrra.  Þessu var svo öfugt farið nú í júní þegar 45 bátar náðu 12 róðrum á móti 155 í þeim mánuði 2020.

 

Nýting daga20212020
maí með 12 daga135 Bátar41 Bátar
júní með 12 daga47 Bátar155 Bátar
maí - júní, 24 dagar27 Bátar33 Bátar

 

 

Elli SF aflahæstur

Aflahæstur strandveiðibáta er Elli SF frá Hornafirði með 24,8 tonn í 21 róðri.  Að sögn Heiðars Erlingssonar skipstjóra var maí erfiður þá hvarf allur fiskur.  Í júní hefur sjórinn lifnað við, komin síld og mikið af ufsa á slóðina.  Þorskurinn farinn að taka, en á móti kæmi að veðrið í júní hefði ekki leyft marga róðra, endalaus suðvestan strekkingur.    

 

Heiðar sagði útgerðina vera fjölskylduverkefni, þar sem tvítugur sonur hans Hafþór væri jafnframt að róa Ella SF. 


IMG_0128.png

 

Sjá allt um strandveiðar


 

efnisyfirlit síðunnar

...