Hvaða flokkar styðja 48 daga til strandveiða? - Landssamband smábátaeigenda

Hvaða flokkar styðja 48 daga til strandveiða?




Í dag 25. september verður kosið til Alþingis.  Allt stefnir í spennandi kosningar og því áríðandi að allir skoði vel hvað stjórnmálaflokkarnir hafa upp á að bjóða.  Þar eru málefni sjávarútvegsins ofarlega á blaði.

Screenshot 2021-09-25 at 09.53.11.png
Frá því veiðikerfi strandveiða var breytt árið 2018 hefur LS barist fyrir að lögfest verði að veiðileyfi þeirra gildi í 48 daga.  Fyrstu tvö árin 2018 og 2019 dugðu veiðiheimildir allt tímabilið.  Í fyrra og í ár dugðu þær hins vegar ekki, veiðar stöðvaðar 19. ágúst og 18. ágúst sl.


Það er skoðun LS að til að allir hafa jafnan rétt án tillits til á hvaða svæði er róið verði að vera tryggt að ekki komi til stöðvunar veiða.  Þegar sú krafa heyrist er gjarnan spurt:  Hvar á að taka aflann?  LS hefur svarað því að heimildir innan 5,3% pottsins séu nægar til að tryggja 48 daga til strandveiða.  


Við yfirferð á stefnum flokka sem bjóða fram til Alþingis kemur í ljós að hjá alls sex flokkum er yfirlýsing um stuðning við 48 daga til strandveiða.  
Þeir eru (talið upp í stafrófsröð):

Flokkur fólksins (F)
Frjálslyndi lýðræðisflokkurinn (O)
Miðflokkur (M)
Píratar           (P)
Sósíalistaflokkur Íslands   (J)
Vinstrihreyfingin - grænt framboð   (V) 


LS ákvað því að senda öðrum flokkum bréf þar sem óskað var eftir afstöðu þeirra gagnvart kröfu LS.  Hjá þeim öllum var hægt finna jákvæðni í garð smábátaútgerðarinnar.   Í bréfunum var vitnað til þess. 

Svör hafa nú borist frá tveimur af þeim fjórum flokkum sem bréf var sent til, Sjálfstæðisflokki.pdf (D) og Viðreisn.pdf (C).  Svörunum skeytt aftan við bréfin.



 

efnisyfirlit síðunnar

...