Strandveiðar á lokametrunum - Landssamband smábátaeigenda

Strandveiðar á lokametrunum




Þegar strandveiðar hófust í dag voru 789 tonn af þorski óveidd.  Í lögum um stjórn fiskveiða segir að:  
„Þá skal Fiskistofa með auglýsingu í Stjórnartíðindum stöðva strandveiðar þegar sýnt er að leyfilegum heildarafla, að ufsa undanskildum, verði náð samkvæmt reglugerð sem ráðherra setur um strandveiðar fyrir hvert ár.]"


Miðað við veiði undanfarna daga er líklegt að síðasti dagur strandveiða 2022 verði mánudagurinn 25. júlí.   Það fer þó eftir því hver aflinn verður í dag og á morgun og væntanleg veðurspá fyrir mánudaginn.


Hér má sjá graf sem sýnir þorskafla hvers dags til og með 19. júlí.  Mestur varð aflinn 14. júlí 400 tonn.

Screenshot 2022-07-20 at 12.51.20.png


Meðaltal þorskafla á hverri viku á þeim tólf sem strandveiðar hafa varað hefur sveiflast nokkuð.  Allt stefnir í yfirstandandi vika skili mestu, en tvo fyrstu dagana er meðaltalið 344 tonn.  

Screenshot 2022-07-20 at 12.52.05.png


Heildarafli á strandveiðum er kominn í 11 759 tonn og aflaverðmæti að nálgast 4,5 milljarð.



 

 

efnisyfirlit síðunnar

...