Landssamband smábátaeigenda

Landssamband smábátaeigenda http://www.smabatar.is/ is Copyright 2012 Wed, 16 May 2012 17:20:40 +0000 http://www.sixapart.com/movabletype/ http://www.rssboard.org/rss-specification Aflaverðmæti lúðu 477 milljónir

Um síðustu áramótum tók gildi algjört bann við beinum veiðum á lúðu. Þá var frá sama tíma bannað að koma með lúðu að landi, utan þeirra fiska sem ekki þykja lífvænlegir við borðstokk. Komi lúða í veiðafæri sem meðafli ber umsvifalaust að sleppa henni svo fremi að hún sé lífvænleg, eins og segir í reglugerð þar um.

Í 2. gr. reglugerðarinnar eru gefnar nákvæmar leiðbeiningar hvernig skal af þessu staðið:

„Við línuveiðar skal sleppa allri lúðu með því að skera á taum línunnar. Við handfæra- og sjóstangaveiðar skal varfærnislega losa lúðuna af krókum eða skera á lykkju slóðans áður en lúða kemur um borð.“!

Í fréttatilkynningu sem Sjávarútvegs- og landbúnaðarráðuneytið gaf út af þessu tilefni kemur m.a. fram að friðun lúðunnar sé tilkomin vegna tillögu Hafrannsóknastofnunarinnar sem hefur um langt árabil bent á slæmt ástand stofnsins.

Skiptar skoðanir er meðal sjómanna á þessu banni allt frá því að láta það yfir sig ganga án mótmæla upp í að því hafi verið harðlega mótmælt. Í þeim hópi eru sjómenn sem stundað hafa lúðuveiðar í áratugi og búa yfir gríðarlegri þekkingu á lúðustofninum.

Við mótun umsagnar LS á sl ári við bann við beinum lúðuveiðum var stuðst við vel rökstudd sjónarmið þessara aðila og bent á að styrking lúðustofnsins fælist ekki í að friða lúðu sem væri eldri en 10 ára.

Þá vakti LS athygli ráðuneytisins á að lúðuveiðimenn sem stundað hefðu veiðarnar sl. áratugi upplifðu stöðugleika í veiðunum bæði hvað magn og samsetningu afla varðaði. Veiðarnar væru arðbærar og hefðu að hluta til fyllt þá verðmætaskerðingu sem lokun markaða með leigukvóta og skerðing þorskveiða hefði leitt af sér.

Í umsögninni sagði einnig eftirfarandi:

„LS lýsir sig reiðubúið til samstarfs við SLR og Hafró um upplýsingar um ástand lúðustofnsins og tillögugerð sem miða að því að styrkja stofninn. Í því sambandi er bent á sérfræðingahóp LS um lúðuveiðar og gríðarlegan upplýsingabanka um lúðu í N-Atlantshafi sem unnin hefur verið hjá Hafrannsóknastofnuninni í Nova Scotia. Samstarf hefur verið með þeirri stofnun og lúðuveiðimönnum á Íslandi þar sem m.a. liggur fyrir að lúðan ferðast milli heimsálfa, sem gefur sterkar vísbendingar um að hér við land sé ekki sérstakur staðbundinn stofn.“

Lúðuafli sl. árs varð 532 tonn sem skilaði 477 milljónum í aflaverðmæti.

Nýverið rataði málið inn Alþingi þegar Lúðvík Geirsson (S) beindi fyrirspurn til sjávarútvegs- og landbúnaðarráðherra um bann við lúðuveiðum.

]]> http://www.smabatar.is/2012/05/aflavermaeti-luu-477-milljonir.shtml http://www.smabatar.is/2012/05/aflavermaeti-luu-477-milljonir.shtml Wed, 16 May 2012 17:20:40 +0000 Strandveiðar ganga vel

Alls höfðu 506 strandveiðibátar landað afla til og með 14. maí. Aflinn er kominn í 1.376 tonn þar af rúmur helmingur á svæði A - 764 tonn. Á því svæði eru einnig flestir bátanna eða 227. Þar hafa veiðar gengið það vel að viðmiðun maí mánaðar er búinn og 50 tonnum betur sem dragast þá frá næsta tímabili.

Á öðrum svæðum gengur veiðin hægar. Bátar á D svæði eiga eftir 229 tonn sem jafngildir 38% og klára því væntanlega sinn skammt á næstu dögum, en líklegt er að veiðiheimildir á svæðum B og C nægi út maí.

Sjá yfirlit yfir veiðarnar.pdf

]]> http://www.smabatar.is/2012/05/strandveiar-ganga-vel.shtml http://www.smabatar.is/2012/05/strandveiar-ganga-vel.shtml Tue, 15 May 2012 23:57:47 +0000 Strandveiðiafli - útreikningar þorskígildi

Vakin er athygli á breytingum á þorskígildastuðlum frá síðasta fiskveiðiári.

Við strandveiðar er leyfilegur afli sem koma má með að landi í hverri veiðiferð 650 þorskígildi.

Veiði menn eingöngu þorsk er hámarkið 774 kg af honum óslægðum. Sé eingöngu um ufsa að ræða í tiltekinni veiðiferð er hámarkið óslægt 1.228 kg.

Við útreikninga til þorskígilda skal margfalda óslægðan afla með eftirfarandi stuðlum:

Þorskur 0,84

Ufsi 0,53

Ýsa 0,75

Steinbítur 0,75

Karfi 0,71

Langa 0,44

Keila 0,33

]]> http://www.smabatar.is/2012/05/strandveiiafli-utreikningar-or.shtml http://www.smabatar.is/2012/05/strandveiiafli-utreikningar-or.shtml Fri, 11 May 2012 16:04:00 +0000 Strandveiðar stöðvaðar á svæði A

Sjávarútvegs- og landbúnaðarráðuneytið hefur tilkynnt að strandveiðum á svæði A séu óheimilar frá og með mánudeginum 14. maí nk.

Auglýsing þess efnis birtist í Stjórnartíðindum í dag.

Sjá auglýsingu.pdf

]]> http://www.smabatar.is/2012/05/strandveiar-stovaar-a-svaei-a.shtml http://www.smabatar.is/2012/05/strandveiar-stovaar-a-svaei-a.shtml Fri, 11 May 2012 11:42:05 +0000 Vísað til ríkissáttasemjara

Landssamband smábátaeigenda, Farmanna- og fiskimannasambandið, Félag Vélstjóra og Málmtæknimanna og Sjómannasamband Íslands hafa undanfarin ár unnið að gerð kjarasamnings fyrir sjómenn á smábátum.

Í dag var haldinn einn af mörgum samningafundum þessara aðila. Þar urðu þeir sammála um að áframhaldandi viðræður myndu að óbreyttu ekki skila þeim árangri sem stefnt var að.

Þar sem allir aðilar hafa fullan vilja á að til verði kjarasamningur fyrir sjómenn á smábátum varð að samkomulagi að óska eftir aðkomu ríkissáttasemjara að málinu. Hefur honum þegar verið ritað bréf þess efnis.

]]> http://www.smabatar.is/2012/05/visa-til-rikissattasemjara.shtml http://www.smabatar.is/2012/05/visa-til-rikissattasemjara.shtml Thu, 10 May 2012 15:08:35 +0000 Samherji kýs frekar afla frá strandveiðibátum

Fram kom í fréttum RÚV í gær að Samherji hefur ákveðið að binda þrjá togara sína og byggja frekar á afla strandveiðibáta. Fyrirtækið er þar með komið í hóp fjölmargra annarra sem keppast um kaup á afla bátanna um leið og það tryggir sér ferskt hráefni til vinnslu sem veitt er með umhverfisvænum veiðarfærum.

Strandveiðisjómaður sem rætt var við segir ákvörðun Samherja ekki koma á óvart, en alltaf taki tíma að sannfæra kaupendur um ágæti afla þeirra. Samherji sé boðinn velkominn í hóp þeirra sem kjósa afla frá strandveiðibátum enda fyrirtækið í fremstu röð í vinnslu sjávarafurða. Hann bætti því við að hann vonaðist til að veiðar strandveiðibáta gætu lagt sitt lóð á vogarskálarnar við að halda uppi fullri atvinnu í fiskvinnslu fyrirtækisins á Dalvík.

Í gær voru 210 tonn af þorski veiddum á handfæri seld á fiskmörkuðunum og var meðalverð 301 króna.

]]> http://www.smabatar.is/2012/05/samherji-kys-frekar-afla-fra-s.shtml http://www.smabatar.is/2012/05/samherji-kys-frekar-afla-fra-s.shtml Thu, 10 May 2012 09:53:07 +0000 Fjölgar ört á strandveiðum

Alls 548 bátar fengið strandveiðileyfi og 455 hafa þegar hafið veiðar. Tæpur helmingur þeirra - 220 - er við veiðar á svæði A.

Að loknum fimm fyrstu dögum strandveiða er meðalafli á hvern bát hæstur á

svæði A 1.713 kg,

svæði D 1.334 kg

svæði C 1.037 kg

svæði B 951 kg

Á sama tíma höfðu 53% veiðiheimilda verið nýttar á svæði A, en á öðrum svæðum mun minna. Viðmiðunarafli svæðisins ætti því að nýtast fram í næstu viku.

]]> http://www.smabatar.is/2012/05/fjolgar-ort-a-strandveium.shtml http://www.smabatar.is/2012/05/fjolgar-ort-a-strandveium.shtml Wed, 09 May 2012 23:17:36 +0000 Ráðstefna um fiskveiðistjórnun

Tímarit um viðskipti og efnahagsmál stendur fyrir ráðstefnu um áhrif fiskveiðistjórnunar á sjávarútveg og tengdar greinar.

Ráðstefnan verður á morgun 9. maí og hefst kl 8:30.

Ráðstefnustaður er Háskóli Íslands, Askja N132. Askja.pdf

Á ráðstefnunni verður fjallað um fiskveiðistjórnun á breiðum grunni og áhrif hennar á framtíð sjávarútvegs, með áherslu á áður ókönnuð áhrif á tengda atvinnustarfsemi og samfélagið í víðara samhengi.

Meðal fyrirlesara er Steingrímur J. Sigfússon sjávarútvegsráðherra, sem mun fjalla um „Auðlind í sameign þjóðar“.

Sjá nánar auglýsingu.pdf

Tímarit um viðskipti og efnahagsmál er gefið út af viðskipta- og hagfræðideild Háskóla Íslands, viðskiptadeild Háskólans í Reykjavík og Seðlabanka Íslands.

]]> http://www.smabatar.is/2012/05/rastefna-um-fiskveiistjornun.shtml http://www.smabatar.is/2012/05/rastefna-um-fiskveiistjornun.shtml Tue, 08 May 2012 15:07:35 +0000 Krókaaflamarksbátar að nálgast 10 þús. tonn

Það sem af er fiskveiðiárinu hafa krókaaflamarksbátar veitt 9.569 tonn af ýsu, sem jafngildir 25,7% af heildaraflanum. Alls hafa útgerðir bátanna leigt til sín 2.169 tonn úr aflamarkskerfinu sem er svipað hlutfall og udanfarin sex fiskveiðiár.

Í töflu sem hér fylgir er yfirlit um ýsuveiðar krókaaflamarksbáta síðast liðin sex fiskveiðiár og það sem af er þessu ári. Magntölur eru slægðar í tonnum, með viðbótum er átt við sérstaka úthlutun og færslu milli ára.

Taflan.pdf

Í greinargerð Daða Más Kristófersson dósents við Háskóla Íslands og Stefáns B. Gunnlaugssonar lektors við Háskólann á Akureyri, sem atvinnuveganefnd fól að skoða frumvarpið, er sérstaklega fjallað um það atriði frumvarpsins að loka fyrir þennan möguleika. Álit þeirra styður mjög við þennan þátt umsagnar LS þar sem því er harðlega mótmælt að banna framsal frá aflamarksbátum til krókaaflamarksbáta.

Úr greinargerð.pdf Daða og Stefáns

]]> http://www.smabatar.is/2012/05/krokaaflamarksbatar-a-nalgast-2.shtml http://www.smabatar.is/2012/05/krokaaflamarksbatar-a-nalgast-2.shtml Mon, 07 May 2012 22:29:16 +0000 Strandveiðin á sama róli og í fyrra

Að venju eru flestir bátar byrjaðir á A svæðinu, þ.e. við Snæfellsnes og Vestfirði og þar er meðalveiðin í róðri einnig mest, eða 585 kg. Það er því nokkuð víst að margir eru að ná dagsskammtinum og kannski ríflega það, því Fiskistofa sá ástæðu til að rifja upp hvað gert er við afla umfram það sem heimilt er að færa að landi daglega. Sá afli er gerður upptækur og slík brot geta leitt til frekari aðgerða af hálfu Fiskistofu.

Á B svæðinu, þ.e. fyrir Norðurlandi, er rólegastur gangur í strandveiðunum, venju samkvæmt. Þar er meðalveiðin rétt rúmlega helmingur af því sem gerist á A svæðinu, eða 316 kg í róðri að meðaltali. Þar eru aðeins 42 bátar byrjaðir veiðarnar, meðan 117 bátar eru byrjaðir á A svæði. Þetta breytist fljótlega, þar sem grásleppuvertíðin er nú óðum að dragast upp og þá snúa margir veiðimenn á B svæðinu sér að næstu törn, strandveiðunum.

]]> http://www.smabatar.is/2012/05/strandveiin-a-sama-roli-og-i-f.shtml http://www.smabatar.is/2012/05/strandveiin-a-sama-roli-og-i-f.shtml Fri, 04 May 2012 23:16:41 +0000 Mikill áhugi fyrir strandveiðunum

Fyrsti dagur strandveiða var í dag 2. maí. Samkvæmt upplýsingum frá Fiskistofu höfðu 464 leyfi verið gefin út sem er nokkru meira en á sama tíma í fyrra. Af því má merkja að áhugi fyrir veiðunum er mikill og ætla menn greinilega að nýta þann tíma vel sem stunda má veiðarnar.

Flestir kjósa að veiða á svæði A 215, 115 hafa leyfi á svæði D, 70 á C og 64 á B svæðinu.

Alls hafa strandveiðibátar heimild til að veiða 8.600 tonn, þar af 2.375 tonn nú í maí.

Aflaheimildunum er útdeilt á hin fjögur veiðisvæði með eftirfarandi hætti:

A svæði 2.860 tonn þar af í maí 715 tonn

B svæði 2.036 tonn þar af í maí 509 tonn

C svæði 2.204 tonn þar af í maí 551 tonn

D svæði 1.500 tonn þar af í maí 600 tonn

]]> http://www.smabatar.is/2012/05/mikill-ahugi-fyrir-strandveiun.shtml http://www.smabatar.is/2012/05/mikill-ahugi-fyrir-strandveiun.shtml Wed, 02 May 2012 18:26:16 +0000 Gildi fari í samkeppni við Íbúðalánasjóð og banka

Á ársfundi Gildis-lífeyrissjóðs sl. miðvikudag 25. apríl vakti það undrun að skýrsla stjórnar fékkst ekki rædd fyrr en undir liðnum önnur mál.

Fundurinn hófst á tilsettum tíma kl. 17. Fundarstjóri óskaði eftir að liðir 3 til 7 í dagskránni yrðu teknir í samfellu, en að þeim loknum yrðu leyfðar umræður og fyrirspurnir um þá. Ekki var gerð athugasemd við það.

Það tók ábyrgðarmenn dagskrárliðanna 2 klst að gera grein fyrir þeim. Fundarstjóra þótti eftir þá yfirferð við hæfi að gera 15 mínútna kaffihlé. Að hléi loknu óskaði framkvæmdastjóri LS að taka til máls og greindi fundarstjóra frá því að hann hefði með sér minnislykil sem innihéldi glærur um málefnið og hugðist yfirfæra þær í tölvu fundarins. Fundarstjóri ákvað hins vegar að meina honum það og sagðist einungis leyfa stuttar og hnitmiðaðar spurningar. Framkvæmdastjóri LS lét í ljós óánægju sína yfir ofríki fundarstjóra og sagðist vilja ræða dagskrárliðina í heild. Því hafnaði fundarstjóri og sagði þá umræðu fara fram undir liðnum önnur mál! Því var mótmælt og sagði framkvæmdastjóri LS slæmt að málefni sem svo sannarlega ættu erindi til fundarmanna fengist ekki rædd fyrr en í lok fundar þegar líklegt væri að fjöldi fundarmanna hefði yfirgefið fundarsalinn. Hann varð hins vegar að beygja sig undir ákvörðun fundarstjóra og hélt sig við spurningar sem lutu að ársreikningi og skýrsu stjórnar.

Eitt af þeim málum sem Örn Pálsson framkvæmdastjóri LS ræddi undir liðnum önnur mál, fyrir hálftómum sal, var að Gildi-lífeyrissjóður mundi koma á samkeppni á lánamarkaði til húsnæðiskaupa. Sjóðurinn mundi hætta allri þátttöku í skuldabréfakaupum hjá Íbúðalánasjóði og bönkum, en þess í stað lána félagsmönnum sínum beint til húsnæðiskaupa. Skyldu félagsmenn geta valið milli verðtryggðs láns eða láns með föstum eða breytilegum vöxtum eins bankarnir bjóða upp á.

Kafli í ræðu Arnar um þetta málefni var eftirfarandi:

„VIII. Að bæta hag sjóðfélaga

Aðeins rúm 4% af heildareignum Gildis eru lán til sjóðfélaga, sem mér finnst ótrúlega lágt.

Ég fagna því að eignastýring sjóðsins verði efld með fleiri starfsmönnum. Hér eru gríðarlegir hagsmunir í húfi að vel takist til við ávöxtun á eignum sjóðfélaga.

Í skýrslu stjórnar og framkvæmdastjóra kemur fram að:

„Markaður með skráð hlutabréf og skuldabréf fyrirtækja hefur byggst upp afar hægt þannig að mikilvægar fjárfestingar Gildis kölluðu á mikla vinnu við undirbúning, matsferli og ákvaðarðanatöku.“

Hættum að bíða eftir því að gjaldeyrishöftum verði aflétt. Þau eru ekki á förum næstu árin. Höldum vörð um eignir okkar erlendis en nýtum krafta okkar frekar hér innanlands. Hvar eru tækifærin? Jú að mínu mati eru þau handan við hornið.

Ég legg til að stjórn sjóðsins láti nú þegar hefja vinnu við stofnun deildar sem hafi það að markmiði að lána sjóðfélögum til húsnæðiskaupa. Sérfræðingar sjóðsins verði fengnir til að vinna þetta verk og koma með tillögur að framkvæmd.

Ég er sannfærður um að það yrði félagsmönnum til hagsbóta að geta fengið lán sín beint frá sjóðnum í stað þess að fara millileið í að nálgast lán sem lífeyrissjóðurinn hefur að hluta til fjármagnað með þátttöku í skuldabréfaútboðum Íbúðalánasjóðs og skuldabréfakaupum sem viðskiptabankar gefa út. Báðir aðilar nota síðan fjármunina m.a. til að lána sjóðfélögum til húsnæðiskaupa.

Þetta yrði tilraun til að bæta kjör sjóðfélaga

Með þeirri starfsemi sem hér er lögð til er verið að fara inn á þann markað sem þykir hvað öruggastur í ávöxtun, hægt yrði að velja milli verðtryggðra lána og lána með föstum eða breytilegum vöxtum eins og bankarnir bjóða upp á.

Með stofnun slíkrar deildar yrði samkeppni á íbúðalánamarkaðinum efld sem mundi skila sér til sjóðfélaga.

Ég sé það fyrir mér að hægt yrði að leita samstarfs um slíka starfsemi hjá örðum lífeyrissjóðum.

Hér með boltanum kastað til stjórnar Gildis með þeim skilaboðum - hefjist strax handa.“

]]> http://www.smabatar.is/2012/04/gildi-fari-i-samkeppni-vi-ibua.shtml http://www.smabatar.is/2012/04/gildi-fari-i-samkeppni-vi-ibua.shtml Sat, 28 Apr 2012 00:32:12 +0000 Raunávöxtun hjá Gildi 2,7%

Á ársfundi Gildis-lífeyrissjóðs kom m.a. fram að hrein eign til greiðslu lífeyris var 265,4 milljarðar í lok síðasta árs, sem er hækkun um 24,3 milljarða frá 2010. Fjárfestingatekjur námu 20,3 milljörðum og iðgjöld frá greiðendum 12 milljörðum. Lífeyrisgreiðslur til sjóðfélaga námu rúmum átta milljörðum.

Raunávöxtun sl. árs var 2,7%, meðaltal hennar sl. fimm ár var neikvæð um 5,1%, en jákvæð um 2,7% þegar meðaltal sl. 10 ára er tekið.

Sjá nánar frétt frá Gildi-lífeyrissjóði.

]]> http://www.smabatar.is/2012/04/raunavoxtun-hja-gildi-27.shtml http://www.smabatar.is/2012/04/raunavoxtun-hja-gildi-27.shtml Fri, 27 Apr 2012 14:45:22 +0000 Lundinn mættur í milljónatali

„Í gærkvöldi var síðan gríðarlegt lundaflug í öllum fjöllum og ljóst að lundinn er mættur í milljónatali að venju.“ skrifa Georg Eiður Arnarson trillu- og lundakarl í Vestmannaeyjum á heimasíðu sína í dag.

Auk þess að ræða um lundann í pistli sínum segir hann einnig álit sitt á Landeyjahöfn og fiskveiðstjórnunarfrumvörpunum.

Sjá pistil Georgs

]]> http://www.smabatar.is/2012/04/lundinn-maettur-i-milljonatali.shtml http://www.smabatar.is/2012/04/lundinn-maettur-i-milljonatali.shtml Thu, 26 Apr 2012 11:18:58 +0000 Ársfundur Gildis lífeyrissjóðs

Ársfundur Gildis lífeyrissjóðs verður haldinn í dag 25. apríl. Fundurinn verður á Nordica Hilton Reykjavík og hefst kl 17:00. Gera má ráð fyrir góðri mætingu sjóðfélaga þar sem þeim gefst nú í fyrsta skipti tækifæri á að ræða skýrslu úttektarnefndar Landssambands lífeyrissjóða. Skýrslan er einn af dagskrárliðum fundarins en úttektarnefndinni var meðal annars falið að fjalla um stefnumótun, ákvarðanatöku og áhættumat lífeyrissjóðanna við fjárfestingar í aðdraganda bankahrunsins.

Sérstakur kafli er um Gildi lífeyrissjóð í skýrslunni.pdf þar sem m.a. er ítarleg greining á fjárfestingum sjóðsins í aðdraganda hrunsins og hvernig þeim reiddi af eftir hrunið.

Hér skulu nefnd nokkur atriði þar sem töflur hér að neðan eru teknar upp úr skýrslunni:

Í skýrslunni kemur fram að meðaltal raunávöxtunar sl. 10 ár [2000 - 2009] jákvæð um 2,0%, en sl. 5 ára -1,0% [2005 - 2009].

Tapið gæti endað í 83,5 milljörðum

Þá er sérstakur kafli þar sem fram kemur yfirlit um tap Gildis lífeyrissjóðs af skuldabréfum banka og sparisjóða, skuldabréfum fyrirtækja, innlendum hlutabréfum, erlendum skuldabréfum og gjaldmiðlavarnarsamningum. Alls nemur þetta tap 75,5 milljörðum og nái bankarnir fram sínum ítrustu kröfum um uppgjör á gjaldmiðlaskiptasamningum bætast við um átta milljarðar.

Sjá nánar:

Ársfundur Gildis lífeyrissjóðs 2012.

Ársskýrsla Gildis - lífeyrissjóðs 2011.pdf

]]> http://www.smabatar.is/2012/04/arsfundur-gildis-lifeyrissjos-3.shtml http://www.smabatar.is/2012/04/arsfundur-gildis-lifeyrissjos-3.shtml Wed, 25 Apr 2012 09:59:21 +0000