Smábátafélag Reykjavíkur - byggðakvóti stórútgerðarinnar til strandveiða - Landssamband smábátaeigenda

Smábátafélag Reykjavíkur - byggðakvóti stórútgerðarinnar til strandveiða



 
 
Á fundi stjórnar Smábátafélags Reykjavíkur sem haldinn var 23. mars sl. var rætt um strandveiðar sem hefjast 2. maí nk.  Fundinum lauk með samþykkt eftirfarandi ályktunar.
 
 
„Stjórn Smábátafélags Reykjavíkur skorar á matvælaráðherra að tryggja strandveiðar í 48 daga jafnskipta í fjóra mánuði maí - ágúst.  Á engan hátt megi það henda að veiðarnar verði stöðvaðar í júlí eins og gerst hefur undanfarin tvö ár.  Stöðva verður yfirgang stórútgerðarinnar í að sölsa undir sig veiðiheimildir sem ætlaðar hafa verið til að efla hinar dreifðu byggðir.  Breyta verður reglugerð til að koma í veg fyrir slíkt og færa veiðiheimildirnar til strandveiða. 
Strandveiðar í fjóra mánuði tryggir jöfnuð milli allra landshluta til farsældar fyrir þjóðina.“ 

 
Logo Reykjavík copy.jpg
 
Formaður Smábátafélags Reykjavíkur er Finnur Sveinbjörnsson

 

efnisyfirlit síðunnar